Monday, July 15, 2024
HomeNewshouseകഞ്ചാവ് കേസിലെ പ്രതി പോലീസിനെ പറ്റിച്ച് രക്ഷപ്പെട്ടു; രഹസ്യമായി കാമുകിയെ കാണാന്‍പോയി പിടിക്കപ്പെട്ടു; പ്രേമം വരുത്തിവച്ച...

കഞ്ചാവ് കേസിലെ പ്രതി പോലീസിനെ പറ്റിച്ച് രക്ഷപ്പെട്ടു; രഹസ്യമായി കാമുകിയെ കാണാന്‍പോയി പിടിക്കപ്പെട്ടു; പ്രേമം വരുത്തിവച്ച വിന!

കോഴിക്കോട്: പൊലീസ് സ്റ്റേഷനില്‍ നിന്ന് രക്ഷപ്പെട്ട കഞ്ചാവ് കടത്തു കേസ് പ്രതി പൊന്നാനിയില്‍ പിടിയിലായി. ഈസ്റ്റ് പേരാമ്പ്ര തണ്ടോപ്പാറ കൈപ്പാക്കനിക്കുനിയില്‍ മുഹമ്മദ് സരീഷാണ് (24) പിടിയിലായത്.

സരീഷും സുഹൃത്തു മുഹമ്മദ് ഹര്‍ഷാദും കാറില്‍ കടത്തുകയായിരുന്ന 4.2 കിലോഗ്രാം കഞ്ചാവുമായാണ് ഇരുവരെയും പൊലീസ് പിടികൂടിയത്. ബുധനാഴ്ച രാത്രിയാണ് സംഭവം. പൊലീസ് സ്റ്റേഷനില്‍ നിന്ന് സരീഷും കൂട്ടുപ്രതി ആവള ചെറുവാട്ട് കുന്നത്ത് മുഹമ്മദ് ഹര്‍ഷാദും പിന്നീട് രക്ഷപെടുകയായിരുന്നു.

വിഡിയോ കോണ്‍ഫറന്‍സിലൂടെ മജിസ്ട്രേട്ടിനു മുന്‍പില്‍ ഹാജരാക്കാന്‍ വെളിച്ചമുള്ള ഭാഗത്തേക്കു കൊണ്ടു വരുമ്പോഴാണ് ഇരുവരും പൊലീസുകാരെ കയ്യേറ്റം ചെയ്ത് പുറത്തേക്ക് ഓടിയത്.

പൊന്നാനിയിലെ മതസ്ഥാപനത്തില്‍ പാര്‍പ്പിച്ച കാമുകിയെ കാണാന്‍ എത്തിയപ്പോഴാണ് അറസ്റ്റ്. സരീഷ് കാമുകിയെ കാണാന്‍ ഇവിടെ എത്താനിടയുണ്ടെന്ന നിഗമനത്തില്‍ പൊന്നാനി പൊലീസും ബാലുശ്ശേരി പൊലീസും ഇവിടെ കാത്തു നിന്നിരുന്നു.

- Advertisment -

Most Popular