ചെന്നൈ; തമിഴ്‌നാട് ബിജെപിയില്‍ പൊട്ടിത്തെറി സൃഷ്ടിച്ച് പാര്‍ട്ടി വിട്ട ഗായന്ത്രി രഘുറാം മലയാളിയുടെ പ്രിയങ്കരിയായ നടിയും നൃത്ത സംവിധായികയും. പൃഥ്വിരാജിന്റെ ആദ്യ ചിത്രമെന്ന് പരിഗണിക്കപ്പെടുന്ന നക്ഷത്രക്കണ്ണുള്ള രാജകുമാരന്‍ അവനുണ്ടൊരു രാജകുമാരി എന്ന ചിത്രത്തിലെ നായിക കൂടിയാണ് ഗായത്രി രഘുറാം.
രാജസേനന്‍ സംവിധാനം ചെയ്ത ചിത്രത്തിലൂടെ മലയാളികളുടെ പ്രിയങ്കരിയായി മാറിയ ഗായത്രി പിന്നീട് മറുഭാഷകളിലേക്ക് മാറുകയും തമിഴ്‌നാട് രാഷ്ട്രീയത്തിലേക്കിറങ്ങുകയുമായിരുന്നു. തമിഴ്‌നാട്ടില്‍ ബിജെപിയുടെ വനിതാവിഭാഗത്തിന്റെ സാംസ്‌കാരിക മുഖമായിരുന്നു ഗായത്രി. മാത്രമല്ല, ശക്തമായ നിരവധി സമരങ്ങളില്‍ ഡിഎംകെയ്‌ക്കെതിരെ ശ്രദ്ധേയമായി രംഗത്തിറങ്ങി.
രാജിവയ്ക്കുമ്പോള്‍ ബിജെപിയുടെ സാംസ്‌കാരിക വിഭാഗം മേധാവിയായിരുന്നു ഗായത്രി രഘുറാം. പാര്‍ട്ടിക്കുള്ളില്‍ സ്ത്രീകളോടുള്ള ബഹുമാനക്കുറവാണ് ചൂണ്ടിക്കാട്ടിയാണ് ഗായത്രി രഘുറാം രാജിവച്ചത്. ട്വിറ്ററിലൂടെയാണ് ഗായത്രി രാജിക്കാര്യം അറിയിച്ചത്. സംസ്ഥാന പാര്‍ട്ടി അധ്യക്ഷന്‍ അണ്ണാമലൈയുടെ നേതൃത്വത്തില്‍ സ്ത്രീകള്‍ സുരക്ഷിതരല്ലെന്നും ഗായത്രി വ്യക്തമാക്കി. പാര്‍ട്ടിയിലെ ചില നേതാക്കളുടെ അതിക്രമത്തിനെതിരെ ശബ്ദമുയര്‍ത്തിയ ഗായത്രിയെ ഈയടുത്ത് അണ്ണാമലൈ സസ്പെന്‍ഡ് ചെയ്തിരുന്നു.
പാര്‍ട്ടിയുടെ ഒബിസി വിഭാഗം സംസ്ഥാന നേതാവ് സൂര്യശിവ ന്യൂനപക്ഷ വിഭാഗം നേതാവ് ഡെയ്സിയെ അസഭ്യം പറഞ്ഞ സംഭവത്തില്‍ പരസ്യ പ്രതികരണം നടത്തിയതിനെ തുടര്‍ന്നായിരുന്നു നടപടി. ആറു മാസത്തേക്കായിരുന്നു സസ്പെന്‍ഷന്‍.
ന്യൂനപക്ഷ വിഭാഗം നേതാവ് ഡെയ്‌സിയെയാണ് സൂര്യശിവ അസഭ്യം പറഞ്ഞത്. ‘പാര്‍ട്ടിക്കുളളിലെ സമത്വമില്ലായ്മയും സ്ത്രീകളോടുളള ബഹുമാനക്കുറവും കാരണമാണ് ടിഎന്‍ബിജെപിയില്‍ നിന്ന് രാജിവയ്ക്കാന്‍ ഞാന്‍ തീരുമാനിച്ചത്. ഇങ്ങനൊരു തീരുമാനമെടുക്കെണ്ടി വന്നതില്‍ അത്യധികം സങ്കടമുണ്ട്. അണ്ണാമലൈയുടെ നേതൃത്വത്തില്‍ സ്ത്രീകള്‍ സുരക്ഷിതരല്ല. ഇതിലും നല്ലത് പുറത്തുനിന്നുളളവരുടെ കളിയാക്കലുകള്‍ ആണ്.’ഗായത്രി രഘുറാം ട്വിറ്ററില്‍ കുറിച്ചു.
പതിനാലാം വയസ്സില്‍ അഭിനയജീവിതം ആരംഭിച്ചു ഗായത്രി രഘുറാം. കരിയറിലെ ആദ്യനാളുകളില്‍ ഗായത്രി ജയരാമന്‍ എന്ന മറ്റൊരു അഭിനേത്രിയുടെ പേരില്‍ സാമ്യമുള്ളതുകൊണ്ട് ആശയക്കുഴപ്പം ഒഴിവാക്കാന്‍ പേരിന്റെ പൂര്‍ണരൂപം ഉപയോഗിക്കുകയായിരുന്നു. 2002 ല്‍ പുറത്തിറങ്ങിയ ശക്തി ചിദംബരത്തിന്റെ കോമഡി നാടക ചിത്രമായ ചാര്‍ലി ചാപ്ലിനില്‍, പ്രഭുദേവയുടെയും പ്രഭുവിന്റെയും അഭിരാമിയുടെയും സാന്നിധ്യത്തില്‍ ഗായത്രി അരങ്ങേറ്റം കുറിച്ചു. ഗായത്രി ജയരാമന്‍ ഈ പ്രൊജക്റ്റില്‍ നിന്ന് ഒഴിവാക്കിയതിനുശേഷമാണ് ഗായത്രി രഘുറാം ഈ സിനിമയില്‍ വരുന്നത്. ഈ ചിത്രം വലിയ വിജയമായി. 2002 ല്‍ മൂന്ന് ചിത്രങ്ങളില്‍ ഗായത്രി അഭിനയിച്ചു. നൃത്ത സംവിധായകനായ സുന്ദരം സംവിധാനം ചെയ്ത കന്നഡ ചിത്രം മനസെല്ല നീനെയും, തമിഴ് ചിത്രമായ സ്‌റ്റൈലും ശ്രദ്ധേയമായി.
2008 ല്‍ ജയം കൊണ്ടന്‍ (2008), പോ സോല പൊറാം (2008) തുടങ്ങിയ ചിത്രങ്ങളിലൂടെ ഗായത്രി ചലച്ചിത്ര രംഗത്ത് നൃത്ത സംവിധായകനായി തിരിച്ചെത്തി. മദ്രാസപ്പട്ടണം (2010), ദൈവതിരുമകള്‍ (2013), ഒസ്തി (2011), അഞ്ജാന്‍ (2014) തുടങ്ങിയ വലിയ ബജറ്റ് പ്രൊഡക്ഷന്‍ ചിത്രങ്ങളിലും പിന്നീട് പ്രവര്‍ത്തിച്ചു. ക്രൈം ത്രില്ലറായ കാന്തസ്വാമി (2009), തമിഴ് പദം (2010) എന്നിവയിലെ അവളുടെ പ്രകടനത്തിനു മികച്ച വിമര്‍ശന പ്രതികരണങ്ങള്‍ ലഭിച്ചു. വേഗത്തില്‍ 100 ചിത്രങ്ങള്‍ പൂര്‍ത്തിയാക്കിയ ഗായത്രി നൃത്ത സംവിധായികയെന്ന നിലയില്‍ വന്‍ശ്രദ്ധനേടി. ഗായത്രിയുടെ സുഹൃത്തായ ഐശ്വര്യ ധനുഷിന്റെ നിര്‍ബന്ധപൂര്‍വ്വമായ നിര്‍ദ്ദേശിച്ചതോടെയാണ് വയ് രാജ വായ് (2015) എന്ന ചിത്രത്തില്‍ നായകനായ ഗൗതം കാര്‍ത്തികിന്റെ സഹോദരിയുടെ വേഷത്തില്‍ അഭിനയിച്ചു. സംവിധായകനായ ബാലായുടെ ഗ്രാമീണ ചിത്രമായ താറായ് താപറ്റായി (2016) എന്ന ചിത്രത്തില്‍ അതിഥി താരമായി അഭിനയിച്ചു.
2017 ല്‍ കമല ഹാസന്‍ അവതരിപ്പിച്ച തമിഴ് റിയാലിറ്റി ഷോയായ ബിഗ് ബോസില്‍ ഒരു മത്സരാര്‍ത്ഥിയായി പങ്കെടുത്തിരുന്നു ഗായത്രി. ഈ പരിപാടിയിലെ പ്രകടനത്തിനു ശേഷം ഗായത്രി നൃത്ത പരിപാടിയില്‍ തിരിച്ചെത്തി. ഒരു ടെലിവിഷന്‍ പരിപാടിയായ ശ്രീമതി ചിന്നത്തറായില്‍ ഒരു ജഡ്ജിയായി പ്രത്യക്ഷപ്പെട്ടു.
നൃത്ത സംവിധായകനായ രഘുറാം – ഗിരിജ രഘുറാം ദമ്പതികളുടെ രണ്ടാമത്തെ മകളായി ഗായത്രി ജനിച്ചു. മൂത്ത സഹോദരിയായ സുജ പ്രമുഖ നര്‍ത്തകയാണ്. 2014 ല്‍ അന്ന് പ്രസിഡന്റായിരുന്ന അമിത് ഷായുടെ സാന്നിധ്യത്തില്‍ ബിജെപിയില്‍ ചേര്‍ന്നു. 2015 നവംബറിലാണ് ബിജെപിയുടെ സാസ്‌കാരിക വിഭാഗം സെക്രട്ടറിയായി ഗായത്രി തമിഴ്‌നാട്ടില്‍ ചുമതലയേറ്റെടുത്തത്. 2018 ല്‍ വിശ്വാസമില്ലാത്ത സ്ത്രീകള്‍ ശബരിമലയില്‍ എത്തുന്നതിനെതിരെ വിമര്‍ശനവുമായി ഗായത്രി ട്വിറ്റര്‍ അക്കൗണ്ടിലൂടെയാണ് നിലപാട് വ്യക്തമാക്കി.
